घर Pimpri-Chinchwad सरसंघचालकांकडून विनायक थोरातांचे अभिष्टचिंतन

सरसंघचालकांकडून विनायक थोरातांचे अभिष्टचिंतन

33
0

राष्ट्रीय स्वयंसेवक संघाचे सरसंघचालक मोहन भागवत यांनी सोमवारी दुपारी निगडी-प्राधिकरणात विनायकराव थोरात यांच्या निवासस्थानी भेट दिली आणि त्यांच्या अमृतमहोत्सवानिमित्त अभिष्टचिंतन केले. तासभर चाललेल्या या कौटुंबिक समारंभात विनायकराव थोरात व त्यांच्या पत्नी कमल थोरात यांचा भागवतांच्या हस्ते सन्मान करण्यात आला. यावेळी भागवत यांनी अमोल थोरात यांच्यासह संपूर्ण थोरात कुटुंबियांशी मनमोकळेपणाने संवाद साधला. चिमुरड्यांमध्ये ते रमून गेले. मुलांना त्यांनी खाऊचे वाटप केले. त्यांच्याशी बराच वेळ गप्पा मारल्या. मुले टीव्ही आणि मोबाइलपासून दूर आहेत, असे त्यांना समजले, तेव्हा त्यांनी समाधान व्यक्त केले. मुलांमध्ये मैदानी खेळांची आवड निर्माण झाली पाहिजे, त्यासाठी पालकांनी मुलांना आवश्यक धडे द्यावेत. तसेच राष्ट्रभक्तीचे संस्कार मुलांवर करावेत, असे मार्गदर्शनही भागवत यांनी या वेळी केले.

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा