घर Pimpri-Chinchwad पिंपरीत गुरुवारपासून ‘पे अँड पार्क’

पिंपरीत गुरुवारपासून ‘पे अँड पार्क’

76
0

विश्व सह्याद्री प्रतिनिधी, पिंपरी : पिंपरी चिंचवड महानगरपालिकेमार्फत पार्किंग पॉलिसी धोरणाचीअंमलबजावणी उद्या(गुरुवार ता.१ जुलै) पासून केली जाणार आहे. शहरात ‘पे अँड पार्क’ योजना लागू होत असून  त्यासाठी १३ मुख्य रस्ते व उड्डाणपुलाखालील काही जागांचा समावेश करण्यात आला आहे. त्यामध्ये एकूण ४५० पे अँड पार्कची ठिकाणे निश्चित केली आहेत.

          महानगरपालिकेच्या स्थापत्य ‘बीआरटीएस’ विभागामार्फत पिंपरी चिंचवड शहरातील पार्किंग धोरणाची अंमलबजावणी करण्याबाबतची कार्यवाही सुरूआहे.  त्या अनुषंगाने पोलीस आयुक्त व त्यांचे संबंधित अधिकारी आणि महापालिका आयुक्त यांच्या समवेत झालेल्या बैठकीत १ जुलै पासून शहरात ‘पे अँड पार्क’ योजनेचे  सुरवात करण्याचे निश्चित केले आहे. त्यामध्ये १३ मुख्य रस्ते व उड्डाणपुलाखालील काही जागांचा समावेश आहे.  पिंपरी चिंचवड शहरातील पार्किंग पॉलिसी धोरणाची अंमलबजावणी करणेसाठी निर्मला ऑटो क्रेन सेंटर यांची नियुक्ती करण्यात आली आहे. या धोरणाची अंमलबजावणी करण्यासाठी शहरातील सर्व पार्किंग ठिकाणांची माहिती सर्व नागरिकांना व वाहन चालकांना व्हावी यासाठी  महापालिकेच्या www.pcmcindia.gov.in या वेबसाईटवर प्रसिध्द  करण्यात आली आहे.  नो पार्किंगच्या ठिकाणांची यादी पिंपरी चिंचवड पोलिस आयुक्तालय  (वाहतुक विभाग)  प्रसिध्द करणार आहे.

रस्त्यांवरील (ऑन स्ट्रीट पार्किंग)  नावे

१. टेल्को रोड – ५६

२. स्पाईन रोड-  ५५

३. नाशिक फाटा – वाकड बीआरटीएस रस्ता- ४१

४. जुना मुंबई – पुणे रस्ता –  ५८

५. एमडीआर. –३१    – ३९

६. काळेवाडी फाटा ते देहु-आळंदी रस्ता – ३६

७. औंध-रावेत रस्ता- १६

८. निगडी-वाल्हेकरवाडी रस्ता  -२९

९. टिळक चौक-बिग इंडीया चौक रस्ता   -८

१०. प्रसुनधाम सोसायटी  रस्ता- ११

११. थेरगाव गावठाण  रस्ता- १२

१२.नाशिक फाटा-मोशी  रस्ता- २४

१३. वाल्हेकरवाडी  रस्ता – १५

उड्डाणपुलाखालील जागा/ ऑफ स्ट्रीट पार्किंग

१. राँयल ग्लोरी सोसायटी वाकड

२. रहाटणी स्पॉट – १८ मॉल

३. अंकुशराव लांडगे भोसरी सभागृह- भोसरी

४. रामकृष्ण मोरे सभागृह चिंचवड

५. भक्ती शक्ती उड्डाण पूल – निगडी

६. एम्पायर ईस्टेट  उड्डाण पूल  -चिंचवड

७. चाफेकर चौक ब्लॉक – १ चिंचवड

८.चाफेकर चौक ब्लॉक – २ चिंचवड

९. पिंपळे सौदागर वाहनतळ

१० मधुकर पवळे  उड्डाण पूल   निगडी

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा