पुणे : प्रतिनिधी
अलविरा मोशन अँड एंटरटेंमेन्ट फिल्म प्रॉडक्शन व ‘बिगिनिंग ऑफ इंडिया शायनिंग’ या एनजीओच्या नवीन शाखेचे उद्घाटन आज आमदार नीलेश लंके यांच्या हस्ते करण्यात आले.
यावेळी मराठी चित्रपट महामंडळाचे अध्यक्ष मेघराज राजेभोसले, सामाजिक कार्यकर्त्या तृप्ती देसाई, पुण्याचे पॅडमॅन योगेश पवार, राजकुमार गबाले (तहसीलदार), अलविरा मोशन अँड एंटरटेंमेन्ट फिल्म प्रॉडक्शनच्या संचालिका दीपाली कांबळे, आप्पासाहेब गवारी, अमोल उगले, दत्तात्रय साळुंखे, मंदाकीनी कांबळे, रंगनाथ कांबळे, आशिष कांबळे, आदी उपस्थित होते.
यापूर्वी ‘बिगिनिंग ऑफ इंडिया शायनिंग’या एनजीओच्या मार्फत अनाथाश्रमाला मदत, गरजू रुग्णांना आर्थिक सहाय्य, गरीब विद्यार्थ्यांचा शैक्षणिक खर्च करणे अशा स्वरूपाची मदत करण्यात आली आहे. तसेच कोरोना काळात जुन्नर मधील आळेफाटा येथे असलेल्या वस्तीतील प्रत्येक कुटूंबाला राशन पोचवले गेले आहे. तर ‘अलविरा मोशन अँड एंटरटेंमेन्ट फिल्म प्रॉडक्शन’ अंतर्गत वेबसिरिज, जाहिरातपट निर्मिती, आल्बम शूट आदी केले जात आहेत. अलविरा मोशन अँड एंटरटेंमेन्ट फिल्म प्रॉडक्शनची पहिली शाखा मुंबई मध्ये सुरू करण्यात आली असून त्यानंतर दुबई अन् आता सांस्कृतिक नगरी असलेल्या पुणे शहरात अलविरा मोशन अँड एंटरटेंमेन्ट फिल्म प्रॉडक्शनची नवीन शाखा सुरू होत आहे.
नवीन शाखेच्या उद्घाटनावेळी अलविरा प्रॉडक्शनच्या ALLVEERAA.INN या मॅगजिनचे प्रकाशन करण्यात आले. त्याच बरोबर चॅरिटी वॉकमध्ये सहभागी झालेल्या मॉडेल्सना प्रमाणपत्र वाटप करण्यात आले. नवीन वर्षांच्या पार्श्वभूमीवर अलविरा प्रॉडक्शनच्या वतीने दिग्गज कलाकारांचे छायाचित्र असलेल्या २०२४ चे कॅलेंडेर तयार करण्यात आले आहे. याचे अनावरण देखील यावेळी करण्यात आले.
या प्रसंगी बोलताना आमदार नीलेश लंके म्हणाले, ग्रामीण भागातील सर्वसामान्य कुटुंबातील मुलगी दीपाली कांबळे आज प्रॉडक्शन हाऊस सुरू केले ही अभिमानाची बाब आहे. दीपाली यांनी नेहमी सकारात्मक भूमिका घेत आपली वाटचाल केली आहे, कोविड काळात त्यांनी अनेक रुग्णांना जीवदान दिले, अनेक कुटुंबांना मदतीचा हात दिला, सर्वसामान्य कुटुंबातील मुला – मुलींनी त्यांचा आदर्श घेतला पाहिजे.